Կոպերի պլաստիկ վիրահատությունը հայտնի է նաև բլեֆարոպլաստիկա (հունարեն բլեֆարոն`կոպ, պլաստիկե-ձևավորում) անվամբ: Այն համարվում է ոչ այնքան վտանգավոր, որքան բարդ վիրահատություն, տևում է 2-ից 3 ժամ:

Կոպերի պլաստիկ վիրահատության մասին հիշատակվում է դեռ հարյուրամյակներ առաջ գրված հնադարյան հունական և հռոմեական ձեռագրերում, որոնցում առկա տեղեկություններն օգտագործելով, միջնադարի բժիշկները դրանք ավելի են կատարելագործել:

Այն կատարվում է վերևի և ներքևի կոպերի ձգումների, նրանց վրայից ճարպային հյուսվածքի ավելցուկի հեռացման, ինչպես նաև աչքերի կտրվածքի և ձևի փոփոխության նպատակով: Վիրահատության շնորհիվ հնարավոր է հեռացնել աչքերի տակի պարկերը, աչքերի շուրջ առաջացած կնճիռներն ու ծալքերը:

Գոյություն ունի էսթետիկ բլեֆարոպլաստիկայի մի քանի տեսակ: Դասական մեթոդը առաջարկում է կտրվածքներ անել վերևի և ներքևի կոպերին, կնճիռների շրջանում և այս ճանապարհով կատարել մաշկի և ճարպահյուսվածքի ավելցուկի հեռացում:

Բլեֆարոպլաստիկան դեմքին հաղորդում է ավելի երիտասարդ, էներգիայովլի և հանգստացած տեսք: Հայացքը դառնում է ավելի արտահայտիչ և գրավիչ: Կոպերի պլաստիկ վիրահատությունից հետո, մի քանի օր պահպանվում է հյուսվածքների այտուցվածությունը: Կապտուկները սովորաբար անցնում են վիրահատությունից 3-5 օրանց: Կարերը հանվում են վիրահատությունից 4-5 օրանց, ինչից հետո մի քանի օր սպիերի վրա դրվում են պաշտպանիչ պիտակներ: Այս ժամանակաշրջանում արդեն թույլատրվում է օգտագործել դեկորատիվ հիպոալերգիկ կոսմետիկա: Վիրահատությունից հետո 1-2 շաբաթ հարկավոր է կրել արևապաշտպան ակնոցներ, որոնք զերծ կպահեն ուլտրամանուշակագույն ճառագայթների վնասակար ազդեցությունից: Վիրահատությունից շատ չանցած սպիերը գունազրկվում են և աստիճանաբար անցնում:

Ժամանակակից տեխնոլոգիաները թույլ են տալիս իրականացնել կոպերի լազերային վիրահատություն, որն ավելի արագ է և հեշտ, իսկ հյուսվածքների վերականգնումն ավելի դյուրին է: Գոյություն ունի բլեֆարոպլաստիկայի մի քանի տեսակ: Դրանքեն`

1. Վերինկոպերի
2. Ներքևիկոպերի
3. Շրջանային
4. Ասիական աչքերի կտրվածքի շտկում
5. Կանտոպեքսիա